Егер өзгеріс қажет болса, референдумға кел!

Егер өзгеріс қажет болса, референдумға кел! Бүгін брифингте сарапшылар осылай деді. Екінші республиканың анықтамасы – әділдік, заң, тәртіп пен бірлік. Мұндай мүмкіндікті әр адамға жаңартылған Конституция береді. Ал, заңдағы реформалар демократиялық, құқықтық және ғылыми өлшем шарттарға сәйкес келеді,-дейді мамандар.

Эльвира Әзімова, ҚР Адам құқықтары жөніндегі уәкіл:
Неліктен біз Еуропада жақсы, Сингапурда жақсы дейміз. Соларды мысалға аламыз. Қазақстанда да солай жақсы болуы тиіс. Қазақстанда өмір сүру қауіпсіз болып, балаларымыз осында қалуға ұмтылуы керек. Міне, референдум сол үшін өткізілгелі жатыр. Біздің айтпағымыз халық арқылы сайланған тұлғалар конституциялық кепілдіктерді толық деңгейде орындап, конституциялық принциптен айнымауы керек. Мән беретін басты мәселе осы деп есептеймін. Және осы қалыпта өмір сүруге міндеттіміз.

Нысаналы Ығыл