Шахматтан Қазақстан әйелдер құрамасы үздік нәтиже көрсетті

Шахматтан Қазақстан әйелдер құрамасы бүкіләлемдік олимпиадада үздік нәтиже көрсетті. Бұл туралы Қазақстан шахмат федерациясының вице-президенті Дәрмен Сәдуақасов айтты. Оның сөзінше қыздар командасы Үндістан-3 құрамасын жеңіп, тәуелсіз ел тарихында алғаш рет жоғары жетістікке жетті. Соңғы кездесуде Жансая Әбдумәлік пен Бибісара Асаубаева жеңіске жетті. Ал маңызды шешуші сәтте Ксения Балабаева қарсыласына дес бермей, тең нәтиже көрсетті. Қорытынды бойынша Қазақстан әйелдер құрамасы Үндістан-1 және АҚШ құрамаларымен 3-інші 5-інші орындарды бөліскен. Қосымша коэфиценттер бойынша, 162 команданың ішінен 5-ші орын алды.

Раушан Сайлауқызы