Президент Шымкент қаласының әкімін қабылдады

Былтыр Шымкент қаласында 1 млрд 51 млн теңгенің өнеркәсіптік өнімі өндірілді. Құрылыс саласы айтарлықтай жанданып, 1 млн шаршы метрден астам тұрғын үй пайдалануға берілді. Президент қабылдауында болған Шымкент қаласының әкімі Ғабит Сыздықбеков осылай деп есеп берді. Оның мәліметі бойынша өзге бағыттарда да ілгерілушілік бар. Мемлекет басшысы Қасым-Жомарт Тоқаев қала экономикасын одан әрі әртараптандыру, қосымша инвестиция тарту, сондай-ақ шағын және орта бизнесті қолдау шараларын күшейту жөнінде нақты тапсырмалар берді.