Президент Алматы қаласындағы сумен қамту нысандарының құрылысымен танысты

Мемлекет басшысы Алматыға жұмыс сапары аясында сыйымдылығы 3 мың текше метрлік «Балқаш» ауызсу станциясындағы резервуарлар мен сорғы станциясының құрылысымен танысты. «Каптаж» және «Бастау» тоғандары мен «Медеу» сүзгі станциясынан келетін су осы резервуарларда жинақталып, зарарсыздандырылады. Сосын ауызсу арнайы орнатылған сорғылардың көмегімен Каменское плато, Көлсай, Юбилейный және Мұзтау ықшамаудандарының тұрғындарына таратылады. Президент Алматыны сумен қамтамасыз ету жалпымемлекеттік маңызы бар басым міндет екенін атап өтті.

Қасым-Жомарт Тоқаев, Қазақстан Республикасының Президенті:

Елімізде су тапшылығы бар. Бізге жалпы мемлекеттік бағдарлама қажет. Бау-бақшаны суару үшін ауызсуды пайдалануға болмайды. Оның орнына су үнемдеу технологиясын қолданысқа енгізіп, жер астынан жаңа су көздерін іздеу қажет. Алматының тұрғындары ауызсудың тапшылығына жиі шағымданады. Сондықтан кешенді, жүйелі жұмыс жүргізілуі керек.

Данияр Қайыртай