Президент: «QARMET кәсіпорыны алдағы бес жылда өндіріс қарқынын арттыруы тиіс»

Президент Қасым-Жомарт Тоқаев Теміртаудағы «QARMET» кәсіпорыны - алдағы бес жылда өндіріс қарқынын арттырып, ТМД-да көш бастап тұрған металлургия комбинаттарының қатарына қайта қосылуы керек деп тапсырма берді. Мемлекет басшысы өз сөзінде, кейбір инвестор тапқан табысын тек қалтаға басқанды жөн көреді. Еңбек қауіпсіздігі, экология, өндірісті жаңғырту сияқты маңызды мәселелерге мүлде назар аударылмайды деді. Сол үшін өндірістің техникалық жағдайына қатаң бақылау жасап отыру қажет екенін ескертті. Ұлттық инвесторға берілген комбинат, жоғары технологиямен сапалы құрыш құю тәсілін меңгеруі тиіс.Сондай-ақ, жаңа өндірістер ашып, қосылған құны жоғары тауарлар шығару үшін ауқымды инвестиция тартқан жөн.

Жандос Темірғали