Екіжақты қарым-қатынасымыз дамудың жаңа алтын кезеңіне өтті – Қ.Тоқаев

Шағын құрамдағы келіссөзден кейін Қасым-Жомарт Тоқаев пен Си Цзиньпин, екі елдің делегацияларының қатысуымен кеңейтілген құрамда келіссөз жүргізді. Президент, Қытай төрағасының мемлекеттік сапарын екі ел арасындағы стратегиялық серіктестікті одан әрі нығайтуға деген ұмтылыстың айқын көрінісі деді.

Ал Қытай Президенті: Өзара ынтымақтың нәтижесінде, екіжақты байланыстарымыз мәңгілік әрі жан-жақты стратегиялық серіктестіктің бұрын-соңды болмаған деңгейіне көтерілді деп баға берді. Екі ел арасындағы тауар айналымы былтыр 41 миллиард доллардан асқан. Бүгінде құны 14,5 млрд доллардан асатын 45 ортақ инвестициялық жоба жүзеге асырылып жатыр. Дені - өнеркәсіп, энергетика, көлік-транзит, жасыл экономика және ауыл шаруашылығы салаларында.