«Самғау» балалар шығармашылығының орталығы ашылды

Екібастұзда «Самғау» балалар шығармашылығының орталығы ашылды. Нысан Мемлекет басшысының тікелей тапсырмасы бойынша салынды. Жобаның жалпы құны 5 млрд теңгеден асады. Қаржыны өңірдегі ірі өндірістік кәсіпорындар берді. Ғимарат заманауи технологиялық құралдармен жабдықталған. Балалар ІТ бағдарламасы, ғарыштық радиобайланыс, өнеркәсіптік сәулет сынды сұранысқа ие 12 бағытта білім алады. Осы орталықтың арқасында Екібастұздағы оқушыларды қосымша біліммен қамту көрсеткіші 70 пайызға жетті. Бұған дейін 22 мыңнан астам баланың тек 31 пайызы ғана үйірмелерге баратын. Сондықтан Президенттің өңірге сапары кезінде көп балалы ана Аяна Смағұлова осы мәселені көтерген еді.

Болат Аманбаев