Семейде эколог мамандар қоршаған ортаны таза ұстау жөнінде дәріс оқыды

Семейде «Таза Қазақстан» экологиялық мәдениетті дамыту тұжырымдамасын іске асыру бойынша кездесулер, тренингтер мен дөңгелек үстелдер өтіп жатыр. Студенттерге арналған кезекті шараны орталық кітапхана мамандары ұйымдастырды. Жастармен дөңгелек үстел басында эколог мамандар қоршаған ортаны таза ұстау, экомәдениетті қалыптастыру жөнінде дәріс оқыды. Қазір өңірдегі барлық мектептер мен оқу орындарында тренингтер, пікірсайыстар мен кездесулер үзбей өтіп жатыр. Акция басталғалы жастар ұйымдарының бастамасымен 100 ден астам сенбілік ұйымдастырылған.

Бауыржан Сәлімжанов, ұйымдастырушы:

Таза Қазақстан әркімнің өзінен басталады. Қазақстан Республикасының әр азаматы, әр тұрғыны тазалықты өзінен бастаса, қоршаған ортасы, өзінің үйі, маңайы болсын, барлығын өзінен бастаса, үйіміздің маңайы, қарапайым көшенің тазалығын сақтау осы акцияға қосқан үлесіміз деп білемін.

Ержан Жақып