Ақсу қаласына жылу толық берілді

Павлодар облысының Ақсу қаласындағы жылу қазандығынан шыққан ақау жөнделді. Қазір қалаға 60 градус температурада жылу беріліп тұр. Бүгін таңғы сағат алты жарым шамасында желілік сорғылар сөндіріліп, тұрғын үйлер мен әлеуметтік нысандарда жылу параметрлері төмендеді. Апаттық қызмет дереу іске кірісіп, үш сағатта ақауды жөндеді. Мектептер мен балабақшалар жұмысын тоқтатқан жоқ. Ақсу ферроқорытпа зауытының иелігіндегі жылу орталығындағы қазандықтың тозып тұрғаны 2013 жылы белгілі болған еді. Іле 11 млрд. теңге қаржыға жаңадан шағын жылу орталығы салынды. Алайда дайын нысанды іске қосу 6-шы жыл қатарынан шегеріліп келеді.

Болат Аманбаев