Павлодар облысында емханалар күшейтілген режимде жұмыс істеуге көшті

Павлодар облысында емханалар күшейтілген режимде жұмыс істеуге көшті. Себебі адамдар арасында тамақ, өкпенің қабынуы, бронхит, бронхопневмания күшейген.

Дәрігерлердің айтуына қарағанда, қазіргі таралып жатқан жедел респираторлық аурудың «А» түрі. Яғни, бірден өршіп, сырқаттың еркін тыныс алуын бөгеп тастайды. Ең қиыны бұрын ем алу бір апта болса, қазіргі түрі екі апта немесе одан да көпке созылады. Жедел жәрдем қызметіне соңғы тәулікте екі мыңға жуық шақырту түскен. Дәрігерлердің сырқаттарға қызмет көрсету уақыты екі сағатқа ұзартылды.

Дидар Уәлиханова, 2-қалалық емхана дәрігері:

Емханалар кешкі сағат 20:00-ге дейін жұмыс істейді. Фильтр кабинеттер кешкі 18:00-ге дейін жұмыс істейді. Сенбі, жексенбі күндері сырқаттарды кезекші дәрігерлер емханада қабылдайды.

Болат Аманбаев