Келесі жылы үш бірдей ферроқорытпа зауыты іске қосылады

Ферро қорытудан әлемде алтыншы орында тұрған Қазақстан келер жылы бірден екінші орынға көтерілуі мүмкін. Себебі Екібастұз аумағында салынып жатқан үш бірдей зауыт іске қосылады. Олардың екеуі биыл пайдалануға берілуі керек еді. Алайда дәл іргеде тұрған электр қуатын өндіруші станциялар мен коммуникациялық тариф мәселесі нақтыланбағандықтан, кейінге шегерілді. Дәл қазір ол зауыттар 97-98 пайызға дайын. Үш кәсіпорынның бірі жылына 150 мың тонна, екіншісі 120 мың тонна, ал үшіншісі 100 мың тонна ферро қорытуға қауқарлы. Қазақстан қазір дүниежүзінде ферроқорытудан алтыншы орында болса, Екібастұздағы зауыттар іске қосылғаннан екінші орынға шығады. Бірінші орын Қытай еншісінде.

Болат Аманбаев