Абай облысындағы «Қалбатау-Майқапшағай» тасжолының құрылысы биыл аяқталады

Абай облысындағы республикалық маңызға ие «Қалбатау-Майқапшағай» тасжолы биыл толық аяқталады. Құрылысы 7 жылдан бері созылып келе жатқан күре жолды жаңғыртуға күш салынып отыр. «ҚазАвтоЖол» ұлттық компаниясы қазірдің өзінде 184 шақырымының 130-на асфальт төсеген. Жылдар бойы жол азабын тартқан Зайсан, Тарбағатай, Көкпекті аудандарының халқына қатынас жеңілдеді. Жол құрылысына қажет материалдар да қаржы да жеткілікті. Күн жылына салысымен жұмыс қарқын алмақ. Жалпы, мамандар алдағы 2 жылда Абай облысындағы республикалық жолдардың 90 пайызы қанағаттанарлық жағдайда болатындығын мәлімдеді.

Айбек Әнуәрбеков , «ҚазАвтоЖол» ҰК» АҚ Абай облыстық филиалының директоры:

«Қалбатау – Майқапшағай» 174 шақырымында оның 130-ында жаңа асфальтпен төменгі қабатпен көлік қозғалысы ашылған. Енді қазір қалып тұрғаны - 50 шақырым жол ескі асфальтпен жатыр. Биыл толықтай аяқтап, абаттандыру жұмысымен қолданысқа беру жоспарлануда.

Ержан Жақып