«Қазақстан Халқына» қоры Абай облысына 10 млрд ₸ бөлген

«Қазақстан Халқына» қоғамдық қоры Семейдегі Ядролық медицина және онкология орталығына замануи құрылғыларды табыс етті. Somatom компьютерлік томографы мен TrueBeam сәулелік терапия жүйесі диагностика мен емдеуге қолданатын ең соңғы үлгідегі құралдар. Обыр дертіне қарсы күрес бойынша «Қазақстан халқына» қоры бірнеше жобаны қолға алған. Нәтижесінде озық құрылғылармен қамтып, ескі қондырғыларды интеграция жасау мен дәрі-дәрмек қорын толықтырады. Сондай-ақ мамандардың да біліктілігін арттырады. Қор мұндай кешенді қолдауды еліміздің 5 өңірінде іске асырып жатыр. Тек медицина емес, өзге салаларды да ілгерлету үшін қыруар қаржы бөлген.

Ләззат Шыңысбаева, «Қазақстан халқына» қорының басқарма төрайымы:

Абай облысында үш жылда білім саласында, денсаулық, спорт, мәдениет, әлеуметтік мәселелерді шешіп жатырмыз. Бірнше жобаларымыз жүріп жатыр. Бүгінгі күнге 10 миллиард 100 миллионнан астам қаражат құйылып, іс-шаралар, осындай жобалар іске асырылып жатыр. 

Ержан Жақып