Семейде бала зәбір көргеннен кейін 9-мектептің директоры қызметінен кетті

Семейде жасөспірімді жабылып соққыға жыққан шулы оқиғадан кейін, бірнеше мектеп директоры тәртіптік жауапкершілікке тартылды. Тәрбие жұмыстарына салғырт қарағаны үшін «Жас Ұлан» ерлер лицейінің директоры сөгіс алды. Ал төбелесті ұйымдастырған оқушылар оқыған мектептің директоры қызметінен кетті. Ал тәрбие ісі жөніндегі орынбасары мен психолог маман тәртіптік жауапкершілікке тартылды.

Естеріңізге салсақ, Семейде №9 мектепте оқитын 6-сынып оқушысын бір топ бала аяусыз соққыға жығып, қорлаған болатын. Салдарынан қылмыстық іс қозғалып, жасөспірімді ұрған оқушыларды арнайы мектепке жіберу, ал үш баланың әке-шешесін ата-ана құқығынан айыру туралы шешім қабылданды. Қазір іс сотта қаралып жатыр.

Ержан Жақып