Қарағандыда «Roboland-2025» халықаралық фестивалі өтті

Қарағандыда дәстүрлі «RoboLand-2025» халықаралық фестивалі өтті. Жас өнертапқыштар бәсекесіне Әзірбайжан, Өзбекстан, Қырғызстан, Иран, Болгария, Ресей және Қазақстаннан 750 адам қатысты. Олар инженерия, инновация, жасанды интеллект саласындағы тың жобаларын ұсынды. 10-рет өткізіліп жатқан бәсекеде сайыстар саны да артып келеді. Биыл қазақтың ұлттық ойындары да қосылып, қатысушылар 23 санат бойынша бақ сынады.

Есбол Арынов, сайыстың бас төрешісі:

Өткен жылмен салыстыратын болсақ, биыл жаңа санаттар қосылды. Өткен жылы теңге алу болса, биыл садақ атуды қостық. Жастар қазақтың ұлттық ойынын білсін деген оймен, дәріптеу мақсатында ұйымдастырып отырмыз.

Жандос Бақытұлы