Ұлытау облысында бүлдіршінге қол көтерген балабақша тәрбиешісіне сот үкімі шықты

Ал Ұлытау облысында бүлдіршінге қол көтерген балабақша тәрбиешісіне қатысты сот үкімі шықты. Айыпталушы баланың алдымен ауызынан ұрып, басынан салып қалған. Кейін желкелеп басқа бөлмеге алып кеткен. Ол кінәсін мойындамады. Бірақ бейнебақылау камерасы арқылы қылмысы дәлелденген. Тәрбиешіге 3 жылға дейін балалармен жұмыс істеуге тыйым салынып, 80 сағат қоғамдық жұмысқа тартылу жазасы тағайындалды.

Жандос Бақытұлы