Қызылордада 11 жастағы бала суға батып кетті

Қызылорда қаласының іргесіндегі Тасбөгет кентінде 5-сынып оқушысы суармалы каналға батып кетті.

Бұл оқиға туралы Төтенше жағдайлар департаментіне 3 мамыр күні хабарлама түскен. Жедел құтқару жасағының сүңгуірлері екі күн бойы су түбін сүзіп, оқушының денесін кеше алып шықты. Қылмыстық іс қозғалды. Бүгінде қаладағы су айдындарына шомылуға келетін жасөспірімдер көбейген. Мамандар балаларды қараусыз қалдырмауды ескертеді.

Әділбек Серікұлы