Ақтаулық дәрігерлер жүкті әйелдің жүрегіне операция жасады

Ақтаулық дәрігерлер алғаш рет жүкті әйелдің жүрегіне операция жасап, ананың да, баланың да өмірін сақтап қалды. Күрделі операция үшінші сәбиіне аяғы ауыр 28 жастағы әйелге жасалды. Науқастың жүрегіндегі митралды қақпақшасы ауыстырылған.

Дәрігерлер операцияны тез жасауға тырысқан. Себебі мұндай ота кезінде ананың жүрек соғысы уақытша тоқтатылады. Сол уақытта құрсақтағы шақалаққа кері әсер етпеуі керек.

Жергілікті кардиохирург дәрігерлер операцияны Ұлттық ғылыми кардиохирургия орталығы мамандарымен телемедицина арқылы кеңесе отырып жасаған. Қазір науқастың жағдайы жақсы, жүктілігі сақталған.

Аягөз Оралбайқызы