ШҚО-да өртке қарсы 52 мобильді топ құрылды

Шығыста құрғақшылықтың салдарынан өрт қаупі күшейді. Сондықтан дала және орман өртін болдырмау үшін сала мамандары күшейтілген жұмыс кестесіне көшірілді. Өңірде 52 мобильді топ жұмыс істеп жатыр. Сонымен қатар арнайы бөлімшелер жоқ ауылдарда 50-ге жуық өрт сөндіру бекеті құрылды. Бүгінге дейін төтенше жағдай мен жергілікті полиция қызметкерлері бірігіп, тұрғындар арасында 400-ге жуық рейд жүргізді. Мамандар мұндай қауіпті кезеңде орманға бармауды және онда шөп пен қоқысты өртеуге болмайтынын ескертеді.

Медет Мұқашев, облыстық ТЖД өрт бақылау басқармасының бас маманы:

Аталған рейдтік шара барысында 73 адам әкімшілік жауапкершілікке тартылды. Мобильді топтар ұшу аппараттарын қолданады. Жаяу жүру арқылы орман дала алқаптарын өту барысында адамдарға өрт қауіпсіздігі талаптарын жеткізіп, рейдтік шаралар жүргізеді.

Олжас Керейхан