ШҚО-да қайтарылған активтер есебінен әлеуметтік нысандар салынып жатыр

Мемлекетке қайтарылған активтер есебінен Шығыс Қазақстан облысында 7 ірі әлеуметтік нысанның құрылысы жүріп жатыр. Соның екеуі Шемонаиха ауданында. Волчанка ауылында емхана ғимараты бой көтерсе, Большая речькада су құбыры тартылып жатыр. Дәрігерлік амбулаторияға 417 миллион, ал су құбырына 580 миллион теңге бөлінді. Қос нысандағы құрылыс барысы прокуратураның жіті қадағалауында.

Нұржан Қуатбеков, Шемонаиха ауданының прокуроры:

Екі құрылыс та осы жылдың соңына дейін аяқталады. Бұл - мемлекетке қайтарылып жатқан қаражат халық игілігіне жұмсалып, осы елді мекендердің тұрғындарының денсаулығын нығайту, ыңғайлы жағдай жасауда конституциялық құқығының қорғалуының айғағы.

Олжас Керейхан