Қызылорда облысында алқа билер кеңесі жетіліп келеді

Сот жүйесінде алқа билер кеңесі жетіліп келеді. Жыл басынан бері 6 даулы іске билер төрелік етіп, тараптар бітімге келген.

Жалпы, аймақтың сот жүйесінде азаматтық, қылмыстық және әкімшілік құқық бұзушылық сипатта 5 айда 16 мыңнан аса іс қаралған. Бүгінде сот отырысы оңтайландырылып, процеске онлайн қатысуға мүмкіндік бар. Сондай-ақ кез келген азамат ғаламтор арқылы сот кабинетіне талап-арыз жібере алады. Соңғы жылдары дау-дамайларды алқа билер төрелігімен және сотқа жеткізбей, медиация жолымен екі жақты бітімге келтірген істер көбейген.

Зейнулла Нұрсейітов, облыстық билер кеңесінің төрағасы:

2019 жылдан бері облыс, ауданның көлемінде, барлық ауылдық көлемде 3 адамнан құрылған билер кеңесі жұмыс істеп жатыр. Оның өзі сот саласына көмегін тигізеді. Ол жерде тәжірибесі бар,  өмірді көрген ақсақалдар жиналған.

Әділбек Серікұлы