Өскеменде қоғамдық жағажай уақытша жабылды

Өскемендегі сол жағалау саябағындағы шомылу орнынында ішек таяқшасы болуы мүмкін. Сондықтан қоғамдық жағажай уақытша жабылды. Муниципалдық саябақ басшылары судан сынама алып, сараптамаға тапсырған. Зертхана мамандары шомылу аумағындағы суда кейбір көрсеткіштер бойынша ауытқуларды анықтаған. Бірақ ол адам денсаулығына қауіпті емес, деген қорытындыға келген. Алайда жағажай әлі ашылған жоқ.

Олег Роянов, сол жағалау саябағы директорының орынбасары:

Бұл жердегі судан қатерлі ештеңе табылған жоқ. Бізде санитарлық-эпидемиологиялық станцияның хаттамасы бар. Олар зерттеу жүргізді. Суда кейбір көрсеткіштер бойынша ғана санитарлық талаптан ауытқу анықталды. Бірақ ол қауіпті емес.

Олжас Керейхан