Алматыда тауда жоғалған 20 жастағы жігіттің денесі табылды

Алматы тауларында жоғалып кеткен 20 жастағы жігіт өлі күйінде табылды. Алан Сүлейменов 27 шілде күні таңертен ерте Медеу шатқалы арқылы «Жастар» шыңына шығып кеткен. Туыстары Алан тауға жалғыз шығуға әбден үйренген, бағытты жаңылмай табатын, дейді. Құтқарушылар құтқару жұмыстарын сол күні түнгі сағат 11-де бастап, екі тәулік іздеген. Таулы аймақта жаңбыр мен бұршақ жауып, 4 мың метр биіктікке қар түскені – іздеу жұмыстарына кедергі келтірген. Құтқарушылардың шыңға көтерілуі мен денені төмен түсіруі шамамен 5 сағатқа созылыпты.

Ершат Далабаев, қалалық құтқару қызметінің құтқарушысы:

Екі күн бойы іздестіру жұмыстарына 50-ден аса құтқарушы, бір тікұшақ, 3 кинолог және де 8 дрон жұмылдырылды. Осы жайтты ескере отырып тауға дайындықсыз және де ешкімді ескертпей шықпауларыңызды сұраймыз.

Айдана Қуантхан