Президент Алматының жоғарғы бөлігінде тұрғын үй салуға мораторий енгізуді тапсырды

Президент Қасым-Жомарт Тоқаев Алматының жоғарғы бөлігінде көппәтерлі тұрғын үйлер салуға, аумақты тарылтатын құрылыс жүргізуге мораторий енгізуді тапсырды. Алайда бұл шектеу Бас жоспарда қарастырылған әлеуметтік нысандар мен туристік жобаларға қатысты емес. Сонымен қатар Қасым-Жомарт Тоқаев шаһар әкімі Дархан Сатыбалдыға Бас жоспарға қоршаған ортаны қорғау шараларын күшейтуге, қала экологиясын теңгерімді дамытуға және тау бөктерлерін игеруден қорғауға бағытталған өзгерістерді дереу енгізуді жүктеді.

Айдана Қуантхан