Абай ескерткішіне 5000-нан аса адам гүл шоқтарын қойды

Алатау баурайында да ұлы ойшыл Абайдың 180 жылдығы кең көлемде тойланып жатыр. Абай алаңына 5000-нан астам адам жиналып, ескерткішке гүл шоқтарын қойды. Шараға қала әкімі, зиялы қауым өкілдері мен қоғамдық кеңес мүшелері және жастар жиналды. Мерейтойда дала данышпанының танымал әндері орындалды. Ұлы тұлғаның ұрпаққа қалдырған ұлы өсиеті насихатталды. Салтанатты шара «Алаштың Абайы» атты музыкалық-драмалық концертпен жалғасып жатыр. Жалпы ұлы ақынды ұлықтау мақсатында жыл басынан бері алып шаһарда 120-дан аса іс-шара ұйымдастырылды.

Смағұл Елубай, жазушы:

Біз Абайды таныған сайын халқымызды тани түсеміз. Абайды таныған сайын, халқымыздың кемшілігін көре түсеміз. Кемшілікті көрген сайын, сонымен күреске шыға түсеміз. Сондықтан Абайға жақындау – халықтың өз-өзіне жақындауы деп білеміз.

Айдана Қуантхан