ШҚО-да әйелдер форумы өтті

Шығыс Қазақстан облысында әйелдер форумы өтті. «Re.Women» – бұл «Respublica» партиясы жанынан құрылған, іскер және белсенді әйелдерді біріктіретін жаңа форматтағы қауымдастық. «Әйел және қоғам: жаңа мүмкіндіктер уақыты» деп аталған жиын осымен еліміздің бесінші аймағында ұйымдастырылуда. Жарты жыл ішінде Қарағанды, Ақмола, Қызылорда, Батыс Қазақстан облыстарында өткен форум жыл соңына дейін әр өңірде жалғасын таппақ. Бүгінде қауымдастық құрамында 1500-ден астам әйел бар. Бұрымдыларды біріктірудегі басты мақсат – іскер жандар мен көпбалалы аналарды қолдау.

Екатерина Смолякова, ҚР Парламенті Мәжілісінің депутаты:

ШҚО мен өзімнің алып жүрген, Мәжілісте көтеріп жүрген тақырыптарым аясында өте стратегиялық аймақ. Мен негізі қазіргі таңда Қазақстандағы туризм, әлеуметтік кәсіпкерлік, инклюзия сұрақтары, білім беру, балалар қауіпсіздігі сұрақтарын көтеріп, осы бағыттарда жұмыс жасап жүрмін.

Олжас Керейхан