Алматының Түрксіб ауданында «Таза бейсенбі» шарасы өтті

Алматыда қараусыз қалған балалар уақытша тәрбиеленетін орталық аумағы қоқыстан тазартылды. «Таза Қазақстан» науқаны аясында ұйымдастырылған «Таза бейсенбі» акциясына «Amanat» партиясының Түрксіб аудандық филиалының өкілдері, қалалық мәслихат депутаттары, әлеуметтік орталықтың тәрибеленушілері мен қызметкерлері қатысты. 70-тен аса адам атсалысқан экологиялық шарада 100 қап қоқыс жиналды. Қураған ағаштар кесіліп, жарамсыз тұрмыстық қалдықтар сыртқа шығарылды. Мақсат – қоршаған ортаны таза ұстау мақсатында тұрғындарды белсенді болуға шақыру, - дейді ұйымдастырушылар.

Серікболсын Сарыбаев, қалалық «Amanat» партиясы Түрксіб аудандық филиалының төрағасы:

Біз халықты, жастарды тазалыққа үйрету. Қоршаған ортаны сақтауға, экологияны қорғауға арналған шара. Сенбілік шаралардың негізгі мәнінде тәрбиелік мән ғой. Тәрбиелік мақсатта осындай шараларды біз тұрақты түрде өткізіп келеміз.

Қуан Нұрақын