Президент: Біз кейінгі ұрпақтың жарқын болашағы үшін бейбітшілікті нығайтуымыз керек

Бейбітшілік пен қауіпсіздік – бүкіл адамзатқа ортақ ең басты құндылықтар. Мемлекет басшысы Х парақшасына осылай жазды.

Бүгін – Ядролық сынақтарға қарсы халықаралық іс-қимыл күні. Бұл атаулы күнді БҰҰ Бас Ассамблеясы Қазақстанның бастамасымен бекітті. Халқымыз атом қаруын сынаудан қатты зардап шекті. Мұндай қасірет қайталанбауға тиіс. Біз кейінгі ұрпақтың жарқын болашағы үшін бейбітшілікті нығайтып, халықаралық әріптестікті дамыта түсуіміз керек. Ядролық қарудан және сынақтардан біржола бас тартуға күш салуымыз қажет. Бейбітшілік пен қауіпсіздік – бүкіл адамзатқа ортақ ең басты құндылықтар , – делінген әлеуметтік желідегі жазбада.

Ақниет Балтанова