БҚО-да кітапханашылар 46 млн теңге жымқырғаны анықталды

Батыс Қазақстан облысында кітапханашылар 46 млн теңге жымқырған. Теректі аудандық кітапхананың есепшілері екі жыл бойы жоқ адамға жалақы рәсімдеп, оны қызметкерлер өзара бөлісіп алып келген. Қылмысты облыстық Экономикалық тергеп-тексеру департаментінің тергеушілері прокурорлармен бірге анықтады. Қызметкерлер қаражатты өздерінің банк карталарына аударып отырған. Салдарынан мемлекетке 45 млн 990 мың теңге шығын келтірген. Қазір кінәлілер анықталып, залал толық өтелді. Тергеу аяқталып, іс сотқа жолданды.