Астанада бірқатар мекеменің жұмыс кестесі өзгерді

Астана тұрғындары жаңа жұмыс кестесіне көшті. Енді мемлекеттік қызметшілер мен коммуналдық қызметтегілердің жұмысы бүгіннен бастап, таңғы 07:30-да басталды. Ал ауруханалар, мектептер, халыққа қызмет көрсету орталықтары бұрынғыдай таңғы сағат 08:00-де ашылады. «Жұмыс кестесін өзгертудегі мақсат - көшедегі көлік кептелесті реттеу. Таңертең жолдағы көлік саны 15-20 пайызға азаяды», - дейді жергілікті әкімшілік.