Астана «OTBASY FEST» фестивалі өтті

Астанадағы Жетісу саябағында «OTBASY FEST» ауқымды фестивалі өтті. Отбасы күніне орайластырылған шараға мыңдаған жанұя қатысты. Олар өзара түрлі спорттық, шығармашылық байқауларға қатысты. Іс-шарада концерттік бағдарлама да ұйымдастырылды. Сондай-ақ отбасы құндылығы жайлы дәріс оқылды. Фестивальдің мақсаты — отбасы институтын нығайту, дәстүрлі құндылықтарды дәріптеу, ата-аналарды балалар тәрбиесіне белсенді қатыстыру.

 Іңкәр Тұрсын, ҚР Мәдениет және ақпарат министрлігі басқармасының бас сарапшысы:

Әр күн әртүрлі тақырыпқа бағытталған. Дәл бүгінгі күн отбасымен бірге болуға арналған. Бүгін осы іс-шарамен қатар ағаш отырғызу секілді іс-шаралар да өтіп жатыр. Мерекелік концерттер де бар. Осындай іс-шаралардың ұйымдастырылуы отбасы құндылығын дәріптеуге бағытталады.