Астанада жыл соңына дейін тағы 4 мың тал егеді

Астанада экологиялық акция өтіп жатыр. Бұл жолы Тұран даңғылында 110 түп терек пен қарағаш отырғызылды. Игі іс-шара қазан айының ортасына дейін жалғаспақ. Жалпы биыл елордада 10 мыңнан астам ағаш егу жоспарланған. Бүгінге дейін соның 6 мыңдайы отырғызылған. Әкімдіктің айтуынша, қалған 4 мыңы 2-3 ай көлемінде егіледі.

Ришат Тұрдыбеков, Нұра ауданының әкімі:

Қалада ағаш көктемнен бері үздіксіз отырғызылып жатыр. Отырғызу бір жұмыс, оны күтіп-баптау тағы бар. Бұл ретте екі арнайы ұйым құрылған. Уақытылы тыңайтқыштардың себілуін, суарылуын қадағалап отырады.