Қырғызстанда мүфтилер алқасының кездесуі өтті

Іс-шарада жастарды радикалды ағымдардан қорғап, дәстүрлі діни құндылықтар негізінде тәрбиелеудің маңыздылығы айтылды. Сондай-ақ мұсылман халықтарының бірлігі мен ынтымақтастығын нығайту жайы қаралып, «Исламдағы үммет бірлігі» атты құжат қабылданды. Сонымен қатар бірқатар пәтуалар ресми түрде бекітілді. Бұл – ислам құндылықтарын насихаттаудағы ортақ ұстанымдарды айқындап, діни басқармалар арасындағы өзара ынтымақтастықты күшейтуге сеп болады дейді қатысушылар. Айта кетсек, Түркі мемлекеттері ұйымына мүше елдердің Мүфтилер алқасын құру идеясын бірінші болып Бас мүфти Наурызбай Тағанұлы ұсынған болатын.