Астанада «Әлемнің діни дәстүрлерінің баға жетпес қазыналары» атты көрме ашылды

Астанада «Әлемнің діни дәстүрлерінің баға жетпес қазыналары» атты көрме ашылды. Онда діни кітаптар және рухани құндылықтарды дәріптейтін туындылар қойылған. Әлемдік және дәстүрлі діндер лидерлері съезіне орай ұйымдастырылған экспозиция осы айдың 25-іне дейін жұмыс істейді. Мақсат – түрлі мәдениет өкілдері арасындағы өзара ынтымақ пен келісімді нығайту. Еліміздегі діни конфессиялардың тарихи әрі мәдени маңызын жеткізу.

Ақмарал Ибраева, ҚР Ұлттық музейі директорының орынбасары:

Әр діннің құндылықтары, оның ішінде заттай деректер бар, Құран кітаптар, жазбаша деректер бар. Бүгінгі жаһандану кезінде діни, рухани көзқарас деген құндылық жағынан өте қажет.