Астанада Бейбітшілік және келісім саябағы ашылды

Астанада Бейбітшілік және келісім саябағы ашылды. Әлемдік және дәстүрлі діндер көшбасшылары сьезінің аясында ұйымдастырылған ашылу рәсіміне әлемнің түпкір-түпкірінен келген делегаттар қатысты. Іс-шарада сөз сөйлеген Сенат төрағасы Мәулен Әшімбаев меймандарға саябақтың дәл ортасына орнатылған «Өмір ағашы» монументінің мән-маңызын баяндады. Ескерткіш Қазақстанның көпэтносты ел екенін бейнелейді. Күмбез бір аспан астындағы бейбітшілікті, ал төрт жағындағы кіреберіс дүниенің төрт бұрышы Оңтүстік, Солтүстік, Батыс және Шығысты білдіреді, - дейді жоба авторлары.