Астанада аспаздар арасында халықаралық жарыс басталды

Астанада аспаздарға арналған AstauFest халықаралық жарысы басталды. Онда 12 елден келген 300-ден астам аспаз студент шеберліктерін паш етеді. Бұл фестиваль жұмысшы мамандықтары жылы қарсаңында және Халықаралық аспаздар күніне орай ұйымдастырылып отыр. Сондай-ақ ол кәсіптік-техникалық мамандардың біліктілігін арттыруға бағытталған. Фестиваль аясында Кондитерлік академия мен жаңа технологиялар зертханасы ашылды. Үш күндік шара барысында аспаздар ұмыт бола бастаған ұлттық тағам түрлерін әзірлеп, көпшілікке дәм татқызады. Қазылар алқасында 13 халықаралық сарапшы бар, оның ішінде Мишлен жұлдызының иегері аспаз Жан Ашнер төрағалық етеді.

Әр аспаздың өз қолтаңбасы бар. Біз оның қандай тағам әзірлейтінін, қандай дәм ұсынатынын осы арқылы көреміз. Маңыздысы – әрқайсысы жаңа нәрсе әкеліп, оны бұрынғыдан да сапалы әрі қызықты етіп ұсына білуі. Міне, дәл осылайша тағам да өзгеше болады. Біз үздіктерді осыған қарап бағалаймыз.

Біз бұл фестивальдің негізгі мақсаты етіп аспаз мамандығын дәріптеу, жастарған осы жұмысшы мамандығының керек екенін, жұмысшы мамандығын өздері таңдаған кезде өз еріктерімен қызығушылықты оятатынын дәріптеп отырмыз.