Бүгіннен бастап «Ұнайды маған» жобасы эфирге шығады

Ұлттық арнада - жаңа жоба. Бүгін көрермен асыға күткен «Ұнайды маған» мегажобасы жарыққа шығады. Бұл - осы күздегі ең басты музыкалық байқау. 
Жобада 150-ге жуық әннің кавер нұсқасы жазылған. Қатысушылар ел сүйсініп тыңдайтын және әлемге танымал хит әндердің жаңа нұсқасын әзірлеп,  тыңдарманға ұсынады. Басты ерекшелік, өнерпаздардың барлығы музыкалық топтың сүйемелдеуімен табиғи дауыста ән шырқайды.

Алтынбек Рахметов, продюсер:

Эмоцияға толы түсірілім болып жатыр. Бұрын-соңды болмаған жоба. Ұлттық арнамен қауышыңыздар! Ұлттық арнадан қараңыздар! Керемет әсер алатын боласыз.

 Еске сала кетейік, ән додасын, бүгін, кешкі сағат 20:00-де «Qazaqstan» телеарнасынан тамашалай аласыздар!