СҚО ауыл шаруашылығы цифрлық жүйеге көшуде

Солтүстік Қазақстан облысы Қызылжар ауданындағы шаруашылықтардың бірінде әр малдың цифрлық жеке құжаты бар.

Арнайы бағдарлама арқылы ірі-қараның денсаулығы, қанша сүт беретіні, неше рет төлдегені сынды барлық ақпаратты көруге болады. Шаруашылық басшылығының айтуынша бірыңғай жүйе шығынды азайтып, малдың өнімділігін арттыруға мүмкіндік беріп отыр.

Марат Мұхамеджанов, оператор:

Сиырларға бақылау құрылғылары тағылады. Ақпараттың барлығы ортақ платформада жинақталады. Бағдарлама әр малдың тәулігіне қанша сүт бергенін, қай уақыттан бері қандай аурумен ауырып жүргенін, оған қандай дәрі-дәрмек, ем-шараларын тағайындау қажеттігін де көрсетіп береді.

Облыста 110 сүт фермасы бар. Малдың дені асыл тұқымды. Ауыл шаруашылығы басқармасының мәліметінше, соңғы 4 жылда өндірілген сүт көлемі 40 пайызға артты.