Басты Жаңалықтар Елімізге жарты жылда шетелден 7,5 млн турист келген

Елімізге жарты жылда шетелден 7,5 млн турист келген

07.10.2025 13:07

Қазақстанға жарты жылда шетелден 7,5 миллион турист келді. Олар негізінен Алматының таулы аймақтары мен Бурабайда демалған. Бұл туралы Астанада өткен «Kazakstan Travel» форумында айтылды. Іс-шараға еліміздің барлық өңірлерінен туристік агенттіктер жиналды. Олар тарихи шаһарларға жаңа туристік бағыттарды ашу және инфрақұрылымды жақсарту жайын талқылады. Сондай-ақ саяхатшыларға арналған онлайн бағдарламаларды жасанды интеллекттің көмегімен жетілдіру жолдарын қарастырды.

Ерәлі Тілеуов, туроператор:

Бізге Қазақстанның ішкі туризмі және сырттан келетін туристерге қызмет көрсету сапасын арттыру өте маңызды. Сол себепті біз қазір мемлекеттік бағдарламалармен жұмыс істейміз. Яғни, сырттан келетін әр туристке арнайы субсидия аламыз. Ол субсидияны біз жарнамаға, басқа да іс-шараларға пайдаланамыз.

Автор

Жанел Өтеулі

Бөлісу