Петропавлда «Таза Қазақстан» экологиялық акциясы өтті

Петропавлда «Таза Қазақстан» экологиялық акциясы ұйымдастырылды. Қозыбаев университетінде өткен шараға экологтар мен студенттер қатысты. Жиында өңірдегі экологиялық мәселелер және оларды шешу жолдары сөз болды. Сонымен қатар мамандар жастарға қоршаған ортаны қорғауға бағытталған жобаларға қатысу мүмкіндіктері туралы айтып берді.

Талғат Сәбиев, облыстық Экология департаментінің басшысы:

Біз «Таза Қазақстан» акциясын болашаққа бағытталған ұзақмерзімді тұжырымдама деп санаймыз. Оның негізгі мақсаты – халықтың экологиялық мәдениетін қалыптастыру. Осы бағытта жастарға үлкен үміт артылып отыр. Сондықтан студенттермен кездесіп, осы тақырыпта дәріс өткіздік.