Авторлық қаламақы жаңа ережелерге сай төленеді

Елімізде авторлардың қаламақысы жаңа ережелерге сай төленбек. Бүгін Мәжіліс тиісті заңды екінші оқылымда мақұлдады. Қазір қоғамдық ұйымдар әкімшілік шығындары үшін табыстың 30 пайызын ұстап қалып, қалған 70 пайызын авторға төлейді. Ал жаңа норма күшіне енсе, 80 пайызын беруге міндеттеледі. Осы талаптың орындалғанын тексеру үшін бірыңғай электронды цифрлық платформа да құрылмақ. Онда қаламақының сомасы, оның қай уақытта төленгені, автор мен қоғамдық ұйымдар арасындағы келісімшарт жайлы ақпарат жүктеледі.

Нұрсұлтан Байтілесов, ҚР Парламенті Мәжілісінің депутаты:

Өкінішке қарай, барлық келісімшарт қағаз жүзінде жүргізіліп отыр. Қанша келісімшарт бар, қай жерде жасалғанынан хабардар емеспіз. Енді өздеріңіз ойлап қараңыздар, 1,7 млрд-тың 920 милионы, яғни 53 пайызы ғана сыйақы ретінде берілген. Ал цифрлық платформалар осының ашықтығын қамтамасыз етеді.