Бүгін – Еуропалық донор күні

Бүгін – Еуропалық донор күні. Осыған орай Астанадағы «Асыл қадам» аллеясына ақ халаттылар көшет отырғызды.  

Атаулы күн біздің елде 1996 жылдан бері өткізіліп келеді. Мұндағы мақсат –  ағза донорлығы мен трансплантацияны дамытуға қоғамның назарын аудару. Елде ең алғаш ағза ауыстыру 2012 жылы басталды. Содан бері 3200-ден астам трансплантациясы жасалған. Оның басым бөлігі туыстық донор. «Ал мәйіттік донор мәселесі әлі де маңызды» дейді мамандар. Қазір елде 7 трансплантация орталығы жұмыс істейді. Барлығы да ең озық медициналық қондырғылармен жабдықталған. 

Назгүл Жангелдина, транспланттауды және жоғары технологиялық медициналық қызметті үйлестіру жөніндегі орталық директорының орынбасары:

Құрал-жабдықтар, дәрігерлер бәрі жеткілікті. Бұрын бүйрек, бауыр, өкпе деп кететін болсақ, қазір бір бүйректі екіге бөледі. Слим-трансплантация дегендерді де дәрігерлер дамытып жатыр.