Астанада алты адамды алдаған дәрігер сотталды

Астанада 6 адамды алдап соққан дәрігер сотталды. Ол науқастарға «мүгедектік рәсімдеуге көмектесемін» деп уәде еткен. Сөйтіп бұл қызметі үшін 4 млн теңгеден аса қаржат алып, оны жұмсап жіберген. Алайда дәрігердің мұндай көмек көрсетуге ешқандай құқығы болмаған. Тергеу кезінде ол кінәсін толық мойындап, алған ақшаны кері қайтарған. Десе де сот оған бас бостандығынан айыру жазасын тағайындады. Астана қалалық прокуратурасы әлеуметтік қызметтерді алу үшін тек уәкілетті органдарға ресми өтінішпен жүгіну керектігін ескертеді.