Елордаға алғаш рет тораңғы ағашы отырғызылды

Жалпысенбілік аясында Астанадағы ботаникалық баққа алғаш рет 50 түп тораңғы ағашы отырғызылды. Тораңғы – қазақ халқы үшін қасиетті. Ата-бабамыз оны төзім мен дала өмірінің символы санаған. Себебі, ашаршылық кезінде оның қабығы мен тамырынан тағам дайындап, кәдесіне жаратқан екен. Тораңғы Балқаш маңы, Іле өзенінің бойы, Сырдария мен Шу аңғарларында өседі. Кез келген климатқа төзімді.

Мирас Абдрахман, Қалалық Ішкі саясат басқармасы басшысының орынбасары:

Бұл ағаштың тамыры 10-15 метр тереңдіктен алатын ерекшелігі бар. Астанамыз үшін, еліміз үшін ерекше ағаш болады. Қызыл кітапқа енген ағаш. Ыстықта да суықта да өсе береді.