Елімізде 10 мың адам алаяқтарға алданған

Қазақстанда соңғы бір жылдың өзінде қаржылық алаяқтыққа қатысты 80 мыңнан астам дерек тіркелген. Ал алданған азаматтардың саны 10 мыңнан асып отыр. Бұл мәліметтерді банк секторына арналған антифрод шешімдерін әзірлейтін Baraiq компаниясы келтіреді. Мамандардың айтуынша, бір адамға келетін орташа шығын шамамен 2,8 миллион теңге. Ал ел бойынша жалпы зардап 30 миллиард теңгеден асып кеткен.