Мүмкіндігі шектеулі жандардың жәрдемақысы 10 пайызға өседі

Келесі жылдан бастап, елімізде мүмкіндігі шектеулі жандардың жәрдемақысы 10 пайызға өседі. Бұл туралы еңбек және халықты әлеуметтік қорғау вице-министрі Виктория Шегай баспасөз мәлихатында айтты. Қазақстанда 750 мыңнан астам адамның мүгедектігі бар. Сол азаматтарды қолдау үшін биыл бес заңнамалық актіге, оның ішінде Әлеуметтік кодекске өзгерістер енгізілді. Сондай-ақ, әлеуметтік қолдау, арнаулы әлеуметтік қызметтер көрсету, еңбек саласы және медициналық-әлеуметтік сараптама мәселелерін реттейтін 66 нормативтік құқықтық акт бекітілген, - деді вице-министр.

Виктория Шегай, Қр Еңбек және халықты әлеуметтік қорғау  министрінің орынбасары:

Мүгедектігі бойынша мемлекеттік әлеуметтік жәрдемақылар - ел азаматтарының конституциялық кепілдіктерінің бірі. Олар еңбек өтілі мен жұмысының болуына қарамастан төленеді. Жәрдемақы мөлшері мүгедектіктің тобына және себебіне байланысты. Жыл сайын инфляция деңгейін ескере отырып, оларды индекстеу жүргізіледі. Мәселен, 2026 жылғы 1 қаңтардан бастап олардың мөлшері 10 пайызға өседі.