Бірнеше бағытта жол жабылды

Бүгін еліміздің көп аймағында қар жауып, боран соғып тұр. Осыған байланысты Төтенше жағдайлар министрлігі мен «ҚазАвтоЖол» мамандары көлік жүргізушілерінен жылдамдықты сақтауды, жол қауіпсіздігі ережелерін қатаң ұстануды сұрайды. Ауа райының қолайсыздығына байланысты республикалық маңызы бар автомобиль жолдарының бірқатар учаскелерінде автокөліктің барлық түрі үшін қозғалыс шектеледі. Әзірге екі аймақта – Абай облысы мен Шығыс Қазақстан облысының кей учаскелерінде жол жабылған. Болжам бойынша ол жолдар ертең таңғы 8-де ашылады.