Есірткімен байланысты қылмыскерлердің 75% -ы жастар

Есірткіге қатысты қылмыс жасайтындардың 75 пайызы жастар. Бұл туралы ішкі істер министрлігінің өкілдері мәлімдеді. Былтыр елімізде  4 мың есірткі қылмысының жолы кесілді. Барлығы 48 тонна әр түрлі есірткі тәркіленді. Синтетикалық есірткіні тәркілеу көлемі бір жарым тоннаға жуық. Былтырдан бастап есірткіні медициналық емес мақсатта тұтынғаны үшін әкімшілік жауапкершілік енгізілді. Қазірдің өзінде 6 мыңнан астам құқық бұзушы анықталды. Өткен жылдың қыркүйек айынан бастап дропперлік үшін қылмыстық жауапкершілік енгізілді. Үшінші тұлғалардың төлем карталарын пайдалануының 49 фактісі анықталды, оның ішінде  35-і есірткінің заңсыз айналымына байланысты.

Бақытжан Әмірханов, ІІМ есірткі қылмысына қарсы іс-қимыл комитетінің басқарма бастығы:

Қылмыстық жауапқа 4884 адам ұсталды, есірткі бабы бойынша, оның бүгінгі таңда 12 пайыз құрайды. Темір тордың ар жағында, қылмыстық атқару органдарында. 75 пайызы көбінесе жастар. Оның 24 пайызы бұрын сотты болғандар.