@TazaQazBot порталына халықтан 1100-ден астам өтініш түскен

Жыл басынан бері @TazaQazBot порталына қазақстандықтардан 1100-ден астам өтініш келіп түсті. 2024 жылы іске қосылған платформа абаттандыру мен экологияға қатысты 21 санат бойынша тұрғындардың шағымдарын қабылдап, оларды жергілікті атқарушы органдарға жолдайды. Түскен 1140 өтініштің 983-і орындалған. 109 өтініш бойынша жұмыстар әлі де жүргізіліп жатыр. Ал 48 өтініш қабылданбаған. Өтініштердің басым бөлігі аумақты тазарту, көшені абаттандыру, жолдарды тазалау, қоқыс шығару және өзге де коммуналдық мәселелерге қатысты. Сонымен қатар, өтініштері қанағаттандырылмаған тұрғындардан 22 шағым түскен. Жауапты мекемелер чат-бот арқылы түскен барлық өтініш бойынша тиісті жұмыстар жүргізуге міндеттеледі.