Десанттық бөлімдерде жауынгерлік тексеріс басталды

Десанттық-шабуылдау әскерлерінің жауынгерлік дайындығын кешенді тексеру басталды. Ауқымды шара 19 ақпанға дейін жалғасады. Жеке құрам роталық тактикалық топ құрамында үш күндік жаттығуға қатысады. Оқу жоспарына сәйкес, әскери қызметшілер шартты қарсыластан елді-мекенді тазарту, жауынгерлік техниканы қолдану және штаттық қарудан оқ ату тапсырмаларын орындайды. Бұл жаттығулар сарбаздардың қарым-қабілетін шыңдауға бағытталған. Сонымен қатар сап ұландар атыс шеберлігі, медицина және  байланыс құралдарымен жұмыс істеу секілді негізгі пәндер бойынша сынақ тапсырады. Қорғаныс министрі жеке құрамның кәсіби деңгейін арттыру, әскери тәртіпті қатаң сақтау – басты міндет екенін атап өтті.